श्री कुमारी क्लबको जितमा आशिषको चार गोल – Nepal Press

श्री कुमारी क्लबको जितमा आशिषको चार गोल

काठमाडौं । आशिष राईको चार गोल प्रेरित श्री कुमारी क्लबले शहीद स्मारक ‘बी’ डिभिजन लिगमा बुधबार श्री भगवती क्लबलाई ४-१ को नतिजामा पराजित गरेको छ ।

सातदोबाटोस्थित एन्फा कम्प्लेक्समा भएको खेलको २०औं मिनेटमा गोल गर्दै कुमारीका लागि खाता खोलेका आशिषले दोस्रो हाफमा थप तीन गोल गरे । पहिलो हाफमा १-० ले अगाडि रहेको कुमारीका लागि आशिषले ५३औं, ६४औं र ७७औं मिनेटमा गोल गरे ।

आक्रामक कुमारी क्लबसामु निरिह बनेको भगवतीका लागि नवराज गुरुङले इन्जुरी समयमा एक गोल गरे । जितसँगै कुमारी क्लब ६ खेलबाट ६ अंक जोडेर नवौं स्थानमा उक्लिएको छ । समान खेलबाट ५ अंक जोड्को भगवति १०औं स्थानमा छ ।


प्रतिक्रिया

Leave a Reply

Your email address will not be published. Required fields are marked *