संसद पुनःस्थापनाबारे सेलेव्रिटी प्रतिक्रिया : फैसला सही तर दलीय आशंका कायमै – Nepal Press

संसद पुनःस्थापनाबारे सेलेव्रिटी प्रतिक्रिया : फैसला सही तर दलीय आशंका कायमै

काठमाडौं । संसद पुनःस्थापना गर्ने सर्वोच्च अदालतको फैसलालाई लिएर सेलेब्सले आ–आफ्नै ढंगले प्रतिक्रिया दिएका छन् । कतिपयले तटस्थ जवाफ दिएका छन् भने कतिपयले अदालतको फैसला सहि भएको टिप्पणी गरेका छन् ।

अभिनेता भुवन केसीले सर्वोच्चको निर्णयको सम्मान गर्दै शासन सत्तामा रहनेले जनतालाई ‘टेकन फर ग्रान्टेड’को रुपमा नलिन सुझाव दिएका छन् । संवैधानिक संकट टरेपनि नेतृत्वमाथिको आशंका नटरेको केसीको भनाई छ । अदालतले संवैधानिक सर्वोच्चताको रक्षा गरेको उल्लेख गरेका छन् ।

अभिनेता दीपकराज गिरीले अदालतको फैसलालाई लिएर हार र जित कसको भन्नेतर्फ नलाग्न आग्रह गरेका छन् । हारजित भन्नेतर्फ लागे दलले जित्ने र तर देश चाहिँ हार्ने उनको भनाई छ ।

अभिनेता निर्मल शर्माले अदालतको निर्णयपछि हाँस्ने कि रुने भनेर दोधार बनाएको लेखेका छन् । ‘प्रतिगमन पराजित भएकोमा खुशि लागेपनि, फेरि मिलिजुली देश लुट्नेछन् भन्ने कुराले पिर लाग्यो’ शर्माले फेसबुकमा लेखेका छन् ।

अभिनेता खगेन्द्र लामिछानेले अदालतको फैसला आएपछि ‘जय संविधान’ भन्दै ट्वीट गरेका छन् । फिल्म निर्माता एवं चलचित्र व्यवसायी प्रदीप उदयले नेकपाको औपचारिक विभाजन नहुँदासम्म अन्यौलता कायमै रहेको बताएका छन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर