रवि लामिछानेले नयाँ टिभी र कार्यक्रम घोषणा गर्दै, ‘सिधा कुरा’ के हुन्छ ? – Nepal Press

रवि लामिछानेले नयाँ टिभी र कार्यक्रम घोषणा गर्दै, ‘सिधा कुरा’ के हुन्छ ?

काठमाडौं । न्यूज २४ टेलिभिजनमा ‘सिधा कुरा जनतासँग’ कार्यक्रम चलाएर चर्चा कमाएका सञ्चारकर्मी रवि लामिछानेले नयाँ टिभी र उनको ‘ब्राण्डिङ’ कार्यक्रम घोषणा गर्दैछन् । आज एक कार्यक्रम गरी उनले नयाँ टिभी र कार्यक्रम घोषणा गर्न लागेका हुन् ।

टेलिभिजन टिमका अनुसार टेलिभिजन च्यानलको नाम ‘ग्यालेक्सी’ हुनेछ । र, उक्त टेलिभिजनबाट ‘सिधा कुरा’ कार्यक्रम सञ्चालन हुनेछ । ‘सिधा कुरा’को पछाडि पनि केही शब्द जोडिने टिभी टिमका एक सदस्यले बताए ।

कार्यक्रम ‘सिधा कुरा जनतासँग’मा न्यूज २४ टेलिभिजन र लामिछानेबीच विवाद भएको थियो । उक्त कार्यक्रम अहिले पनि न्यूज २४ बाट प्रसारण भइरहेको छ । त्यसैले रविले सिधा कुराका पछाडि अरु नै केही शब्द जोडेर कार्यक्रम घोषणा गर्न लागेका हुन् ।

गोरखा मिडिया नेटवर्कद्वारा सञ्चालन हुन लागेको टेलिभिजनमा लामिछाने प्रबन्ध निर्देशकको भूमिकामा रहनेछन् । उनको टिममा न्यूज २४ टेलिभिजन छाडेका पत्रकार प्रमोद न्यौपानेलगायत छन् ।

टेलिभिजन आगामी वैशाखसम्ममा लन्च गर्ने तयारी छ ।

 

प्रतिक्रिया

Leave a Reply

Your email address will not be published.