भारतीय ब्लकबस्टर ‘अर्जुन रेड्डी’को नेपाली संस्करण बन्ने, मुख्य पात्रको लागि कास्टिङ-कल – Nepal Press

भारतीय ब्लकबस्टर ‘अर्जुन रेड्डी’को नेपाली संस्करण बन्ने, मुख्य पात्रको लागि कास्टिङ-कल

सुपरहिट दक्षिण भारतीय तेलुगु फिल्म ‘अर्जुन रेड्डी’को नेपाली संस्करण बन्ने भएको छ । लामो समयदेखि फिल्म बन्नेबारे नेपालमा यसको चर्चा थियो ।

रिमेक भर्सन बन्ने चर्चासँगै यतिबेला फिल्मले कलाकारको खोजी सुरु गरेको छ । । निर्माण तथा बितरण अनुमति पाएको युवा फिल्म्सले कलाकारको अडिसन गर्ने तयारी गरिरहेको छ । फिल्मलाई बिशाल सापकोटाले निर्देशन गर्दैछ्न् ।

१ वर्ष अघि नै निर्माण घोषणा भएपनि कोरोनभाइरस महामारीको कारण निर्माण पोस्टपोन्ड भएको थियो । फिल्मको लागि नायक, नायिका र अन्य पात्रका लागि अडिसन गरिने भएको छ । केही महिना अघि नै अर्जुन रेड्डीको रिमेक बन्ने समाचार बाहिरिएको थियो ।

दक्षिण भारतीय स्टार विजय देवगरकोन्डा अभिनित यस फिल्मलाई सन्दीप रेड्डी भङगले निर्देशन गरेका थिए । फिल्मले बक्सअफिसमा ५१ मिलियन भारु कमाइ गरेको भारतीय सञ्चार माध्यमले जनाएका छन् ।

यही चलचित्रको हिन्दी रिमेक ‘कबिर सिंह’ गत वर्ष प्रदर्शनमा आएको थियो । जसले निकै राम्रो व्यापार गर्न सफल भएको थियो । बलिउड अभिनेता शाहिद कपुर अभिनीत फिल्मले बक्स अफिसमा ३७९.०२ करोड भारु कमाइ गरेको थियो ।

‘अर्जुन रेड्डी’ को निर्माणको लागि भद्रकाली पिक्चर्सको तर्फबाट निर्माता प्रणय रेड्डी र युवा फिल्म्सका तर्फबाट केशव खड्काले अमेरिकामा निर्माण सम्झौतामा हस्ताक्षर गरिसकेका छन् । दक्षिण भारतीय चलचित्रको राइट्स लिएर निर्माण हुन लागेको यो पहिलो नेपाली फिल्म हो ।


प्रतिक्रिया

Leave a Reply

Your email address will not be published. Required fields are marked *