मंगलबारदेखि ‘बी’ डिभिजन लिगका बाँकी खेल, पहिलो खेलमा मध्यपुर र नयाँबस्ती भिड्ने – Nepal Press

मंगलबारदेखि ‘बी’ डिभिजन लिगका बाँकी खेल, पहिलो खेलमा मध्यपुर र नयाँबस्ती भिड्ने

काठमाडौं । कोरोना भाइरसको महामारीका कारण बीचमै स्थगित भएको शहीद स्मारक ‘बी’ डिभिजन लिग मंगलबारदेखि हुने भएको छ ।

करिब एक वर्ष पछाडि पुन:सुचारू हुन लागेको लिगको पहिलो खेलमा मध्यपुर युथ एसोसिएसनले नयाँबस्ती युवा क्लबसँग खेल्ने भएको छ । फागुन ११ गते मंगलबार एन्फा कम्प्लेक्स सातदोबाटोमा हुने खेल दिउँसो १२:१५ बजे सुरु हुनेछ ।

सोही दिन हुने दोस्रो खेलमा पुलचोक स्पोर्ट्स क्लब र खुमलटार युथ क्लब भिड्ने छन् । उक्त खेल दिउँसो ३:३० बजे सुरु हुनेछ । कोरोना भाइरसको महामारीले स्थगित हुनु अगाडि बी डिभिजनका ३२ खेल सम्पन्न भइसकेका थिए ।

१२ टोली सहभागी भएको लिगमा अझै ३३ खेल बाँकी छन् । २०७६ सालको चेत ४ गते सदस्य सचिव रमेशकुमार सिलवालको अध्यक्षतामा बसेको राखेपको बैठकले एक हप्ताका लागि देशभर हुने सम्पूर्ण खेलकुदका गतिविधि बन्द गर्न निर्देशन दिएको थियो ।

प्रतिक्रिया

Leave a Reply

Your email address will not be published. Required fields are marked *