प्रचण्ड-माधव पक्षको विश्‍वास- विधि र नियम हेरेर निर्वाचन आयोगले पार्टी आधिकारिकता टुंग्याउँनेछ – Nepal Press

प्रचण्ड-माधव पक्षको विश्‍वास- विधि र नियम हेरेर निर्वाचन आयोगले पार्टी आधिकारिकता टुंग्याउँनेछ

काठमाडौं । प्रचण्ड-माधव पक्षीय नेकपाले पार्टी आधिकारकिताबारे निर्वाचन आयोगले छिट्टै निर्णय लिने विश्वास जनाएको छ ।

शुक्रबार बसेको केन्द्रीय कमिटीको अनौपचारिक बैठकले गरेका निर्णय सुनाउँदै प्रवक्ता नारायणकाजी श्रेष्ठले भने, ‘विधि र नियम हेरेर हाम्रो पार्टीको आधिकारिकताबारे छिट्टै निर्णय लिनेछ भन्ने विश्वास हामीले गरेका छौं ।’

बैठकले संविधान र लोकतन्त्रको रक्षा गर्ने गरी अदालतले निर्णय लिने विश्वास व्यक्त गरेको उनले जानकारी दिए ।

श्रेष्ठले आज केन्द्रीय कमिटीका सदस्यको नागरिकता संकलनमात्रै गरिएको र हस्ताक्षर आवश्यक परेका बेला पनि संकलन गर्न सकिने बताए ।

पार्टिको प्रदेश, जिल्ला कमिटीलगायतका संरचनामा पदाधिकारी पनि चाँडै नियुक्त गर्ने निर्णय पनि गरेको छ ।

बैठकले अहिलेसम्म जारी आन्दोलन सफल भएको निष्कर्ष निकाल्दै चौथो चरणको सडक संघर्षका कार्यक्रम प्रभावकारी बनाउन तल्लो तहलाई निर्देशन दिएकोसमेत श्रेष्ठले बताए ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ