कोरोनाबाट मृत्यु हुनेको संख्या २ हजार ९९४, झन्डै ९ सय थपिए : नेपाली सेना – Nepal Press

कोरोनाबाट मृत्यु हुनेको संख्या २ हजार ९९४, झन्डै ९ सय थपिए : नेपाली सेना

काठमाडौं । नेपालमा कोरोनाभाइरसबाट मृत्यु हुनेको संख्यामा सेना र स्वास्थ्य मन्त्रालयबीच फरक–फरक तथ्यांक पाइएको छ ।

सेनाको इन्सिडेन्ट कमान्ड सिस्टमले बुधबारसम्म मृत्यु हुनेको संख्या २ हजार ९९४ रहेको जनाएको छ । स्वास्थ्य मन्त्रालयले चाहिँ बुधबारसम्म मृतक संख्या २,०५५ उल्लेख गरेको छ ।

यी दुईबीच ८८९ अंकको फरक छ । सेनाले कोरोना पुष्टि भएको पीसीआर रिपोर्ट र मृत्यु भएको प्रमाणपत्रका आधारमा मात्रै शव व्यवस्थापन गर्दै आएको छ ।

नेपाल प्रेससँग कुरा गर्दै स्वास्थ्य मन्त्रालयका प्रवक्ता जागेश्वर गौतमले सेनाले शव व्यवस्थापन गरिसकेको भनिएका अरुको कोरोनाकै कारण मृत्यु भएको हो वा होइन भन्ने बारे अध्ययन भैरहेको र सोही अनुसार अद्यावधिक गरिने बताए ।

सेनाको तथ्यांकअनुसार कोरोनाबाट मृत्यु हुने दर १ प्रतिशत नाघेको छ । मन्त्रालयले सार्वजनिक गरेको मृतक संख्या र नेपाली सेनाले शव व्यवस्थापन गरेको संख्यामा झन्डै ९ सयको फरक पाइएपछि छानविन समिति गठन गरिएको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर