बिपिन कार्की र आँचल शर्मा चितवनमा सम्मानित, ‘जीवन काँडा कि फूल’ प्रदर्शन – Nepal Press

बिपिन कार्की र आँचल शर्मा चितवनमा सम्मानित, ‘जीवन काँडा कि फूल’ प्रदर्शन

अभिनेता बिपिन कार्की र अभिनेत्री आँचल शर्मा चितवनमा सम्मानित भएका छन् । लक्की मिडिया हाउसको पांँचौ बार्षिकोत्सवको अवसरमा कार्की र शर्मालाई सम्मान गरिएको हो ।

फिल्म क्षेत्रको संरक्षण, प्रवर्धन र विकासमा महत्वपूर्ण योगदान दिएबापत अभिनेता कार्की र शर्मालाई सम्मान गरिएको मिडिया हाउसका महाप्रबन्धक हरि कार्कीले बताए ।

कार्यक्रममा कांँग्रेस नेता गगन थापा, बरिष्ठ अभिनेता नीर शाहले सम्मानपत्रसहित दोसल्ला ओढाएर सम्मान गरेका थिए । सो अवसरमा चिकित्सक, शिक्षाकर्मी, व्यवसायी, समाजसेवी र खेलाडीलाई पनि सम्मान गरिएको थियो ।

चलचित्र कलाकार संघका महासचिव चेतबहादुर सिंह, कांँग्रेस चितवन सभापति जीतनारायण श्रेष्ठ, भरतपुर अस्पताल विकास समितिका अध्यक्ष डाक्टर भोजराज अधिकारीले बोलेका थिए ।

सो अवसरमा साहित्यकार झमक घिमिरेको जीवनमा आधारित फिल्म ‘जीवन काँडा की फूल’ प्रर्दशन गरिएको थियो ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर