मदनकृष्णको आवाजमा ‘फुलबुट्टे सारी’को लिजेन्ड्री भर्सन रिलिज – Nepal Press

मदनकृष्णको आवाजमा ‘फुलबुट्टे सारी’को लिजेन्ड्री भर्सन रिलिज

बरिष्ठ कलाकार मदनकृष्ण श्रेष्ठको आवाजमा ‘फुलबुट्टे सारी’को लिजेण्डरी भर्सन रिलिज भएको छ । मेल, फिमेल र चाइल्ड भर्सनमा रुचाईएको गीतको यो भर्सनलाई राजधानीमा एक कार्यक्रम आयोजना गरेर सार्वजनिक गरिएको हो।

मार्मिक लामाको आवाज र राजनराज शिवाकोटीको शब्द र संगीतमा १२ बर्ष अगाडि रेकर्ड गरिएको गीतको चर्चा त्यतिबेला निकै चुलिएको थियो। मिलन नेवारको आवाजमा फिमेल भर्सनमा रिलिज भएको गीतले रेकर्डमय दर्शकको साथ बटुलेको थियो। अरिश्मा शिवाकोटीको आवाजमा गीतको चाइल्ड पनि भर्सन रिलिज भएको थियो।

लिजेण्डरी भर्सनको भिडियोमा मदनकृष्ण श्रेष्ठ र मिथिला शर्मा फिचर्ड छन् । भिडियोलाई राजेश पुमा राईले निर्देशन गरेका छन्। उत्सव दाहालले खिचेको भिडियोलाई विकास दाहालले सम्पादन गरेका हुन् ।

भिडियो रिलिज कार्यक्रममा बरिष्ठ कलाकार हरिवंश आचार्य प्रमुख अतिथि थिए। हरिवंशले गीत र भिडियोको खुलेर प्रशंसा गरे। समारोहमा आचार्यलाई सम्मान गरिएको थियो।

प्रतिक्रिया

Leave a Reply

Your email address will not be published.

सम्बन्धित खवर