प्रधानमन्त्रीद्वारा भूटानी शरणार्थी समस्या समयावधि किटान गरेरै टुंग्याउन आग्रह – Nepal Press

प्रधानमन्त्रीद्वारा भूटानी शरणार्थी समस्या समयावधि किटान गरेरै टुंग्याउन आग्रह

काठमाडौं । प्रधानमन्त्री केपी शर्मा ओलीसँग शरणार्थीका लागि राष्ट्रसंघीय उच्चायुक्तको कार्यालयको नेपालस्थित प्रतिनिधिमण्डलले मंगलबार भेट गरेको छ ।

प्रधानमन्त्री निवास बालुवाटारमा भएको भेटमा उच्चायुक्त कार्यालयकी नेपालस्थित प्रतिनिधि क्यारोलिन स्पानुथ वर्माले भूटानी शरणार्थीको व्यवस्थापन बारे चासो राखेकी थिइन् ।

प्रधानमन्त्रीले हालसम्म भूटानी शरणार्थीको यथोचित प्रबन्धका लागि उच्चायोगबाट प्राप्त सहयोगका लागि धन्यवाद दिंदै आउँदा दिनको व्यवस्थापनमा पनि पूर्ववत् सहयोग रहने विश्वास व्यक्त गरे ।

प्रधानमन्त्रीले शरणार्थी समस्या समाधानका लागि उनीहरुकै देशमा स–सम्मान फिर्तीलाई पहिलो प्राथमिकतामा राखेको बताए । त्यसो हुन नसके विकल्पमा तेस्रो मुुलुक स्थानान्तरण र नेपालमै व्यवस्थापन गर्ने गरी तीन विकल्पमा कार्य गर्न सरकार तयार रहेको प्रधानमन्त्रीले जानकारी दिए ।

जवाफमा प्रतिनिधि वर्माले शरणार्थी व्यवस्थापनसम्बन्धी सहयोग निरन्तर गर्नेबारे उच्चायोग सकारात्मक रहेको प्रधानमन्त्रीको सचिवालयले जनाएको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर