प्रदीप खड्का र रेनु योगीले ‘प्रकाश’मा जोडी बाँध्ने – Nepal Press

प्रदीप खड्का र रेनु योगीले ‘प्रकाश’मा जोडी बाँध्ने

काठमाडौं । दिनेश राउतले निर्देशन गर्ने फिल्म ‘प्रकाश’ छायांकनको औपचारिक घोषणा भएको छ । मंगलबार राजधानीमा आयोजित पत्रकार सम्मेलनमा फिल्मबारे जानकारी दिइयो ।

प्रदीप खड्काको मुख्य भूमिका रहने फिल्ममा रेनु योगीले लिड फिमेलको रुपमा डेब्यु गर्दैछिन् । नाटक अभिनेत्री समेत रहेकी योगीलाई खड्काको लभर गर्लको रुपमा कास्ट गर्ने तयारी छ ।

फागुनको दोस्रो सातादेखि जुम्लामा छायांकन हुने फिल्मलाई सन् २०२१ भित्रै प्रदर्शन गर्ने लक्ष्य छ । नेपाल प्रेससँग कुरा गदै निर्देशक राउतले दुर्गमको एउटा विपन्न युवाले सरकारी जागिर पाउनका लागि गर्ने संघर्षलाई फिल्मले चित्रण गर्ने जानकारी दिए ।

यसअघि प्रसाद, पर्व, क्लासिक, नोभेम्बर रेइन र आइएम सरी राउतका हिट फिल्म हुन् । फिल्ममा दीया मास्के, प्रकाश घिमिरे, पवित्रा खड्का, प्रशान्त श्रेष्ठ, निरज पन्थी लगायतले अभिनय गर्नेछन् । विकास सुवेदीले कथा लेखेका हुन् ।

बिनिस इन्टरटेनमेन्टको ब्यानरमा महेन्द्र अधिकारीले फिल्म निर्माण गर्न लागेका हुन् । फिल्मलाई राजेश श्रेष्ठले छायांकन गर्नेछन् ।

प्रतिक्रिया

Leave a Reply

Your email address will not be published.