एनआरएनएले सुरु गर्‍यो निःशुल्क टेलि–हेल्थ सेवा, विश्वभरबाट अनलाइन उपचार गर्न पाइने – Nepal Press

एनआरएनएले सुरु गर्‍यो निःशुल्क टेलि–हेल्थ सेवा, विश्वभरबाट अनलाइन उपचार गर्न पाइने

काठमाडौं । गैरआवसीय नेपाली संघ (एनआरएनए)ले टेलि–हेल्थ (दूर चिकित्सा) सेवा सुरु गरेको छ । यो सेवाबाट जुनसुकै मुलुकमा बसोबास गर्ने नेपालीले सेवा लिन सक्ने संघले जनाएको छ ।

सेवाग्राहीले चाहेको समयमा अनलाइनमार्फत चिकित्सकसँग परामर्श लिन सक्नेछन् । यो कार्यक्रममा सबै क्षेत्र र विधाका स्वास्थ्य विज्ञ सहभागि रहेको जनाइएको छ ।

मिर्गौला, कलेजो, मुटु, आँखा, नाक, कान, घाँटी तथा मुख सम्बन्धी स्वास्थ्य विज्ञदेखि डाइटिसियन, फिजियोथेरापिस्ट, दन्त चिकित्सकले सेवा दिन सक्ने जनाइएको छ । मनोचिकित्सक, मनोपरामर्शदाता, स्नायु रोग र छारे रोग पनि हेल्थ कार्यक्रममा रहेका छन् ।

भाइबर, ह्वाट्सएप र मोबाइलमार्फत जिज्ञासा राख्न सकिनेछ । सेवा निःशुल्क हुने जनाइएको छ । सेवा अन्तर्गत आपतकालिन स्वास्थ्य सेवा चाहिँ प्रदान नगरिने जनाइएको छ ।

प्रतिक्रिया

Leave a Reply

Your email address will not be published.