गृहमन्त्रीले महिला वकिलसँग भने-भागरथी हत्या निर्मला प्रकरण जस्तो हुँदैन (भिडियो)

काठमाडौं । गृहमन्त्री रामबहादुर थापा ‘बादल’ले बैतडीकी किशोरी भागरथी भट्टको हत्यामा संलग्न अपराधी पहिचानमा प्रहरी सफलता नजिक पुगेको बताएका छन् । उनले भागरथी प्रकरणमा निर्मला पन्तको जस्तो कुनै कमजोरी नहुने प्रष्ट पारेका छन् ।

नेपाल बार एशोसियसनका पदाधिकारीसहित महिला कानून व्यवसायीहरूको ज्ञापनपत्र बुझ्दै गृहमन्त्री थापाले चाँडै भागरथी हत्यामा संलग्न व्यक्तिहरू सार्वजनिक हुने बताए । प्रहरी अनुसन्धान सफलता नजिक पुगेको गृहमन्त्रीको भनाइ थियो ।

नेपाल बार एशोसिएसन महिला समितिका पदाधिकारीहरुले मंगलबार गृहमन्त्री थापालाई भेटेर बैतडीको दोगडाकेदार-३ मा भागरथी भट्टलाई बलात्कार गरी हत्या गर्ने हत्यारामाथि अनुसन्धान गरी कारबाहीको दायरमा ल्याउन माग गरेका थिए ।

नेपाल बार एशोसिएसनका उपाध्यक्ष रक्षा बस्यालले अपराधीहरू छिट्टै पक्राउ पर्ने विश्वास दिलाउन खोजिएको बताइन् ।

महिला कानून व्यवसायीहरूले निर्मला पन्तको घटनामा जस्तो कमजोर अनुसन्धान नगर्नसमेत गृहमन्त्री थापासमक्ष माग गरेका छन् ।