सरस्वतीबारे प्रधानमन्त्रीको वैदिक परिभाषा- ब्रह्म,  यन्त्र र अनन्त – Nepal Press

सरस्वतीबारे प्रधानमन्त्रीको वैदिक परिभाषा- ब्रह्म,  यन्त्र र अनन्त

काठमाडौं । पूर्वीय दर्शनप्रति प्रधानमन्त्री केपी शर्मा ओलीको लगाव र ज्ञानबारे धेरै ठाउँमा चर्चा हुने गरेका छन् । पछिल्लो समय पशुपति दर्शन गरेको प्रसंगमा बहस चलिरहेका बेला प्रधानमन्त्रीले वसन्त पञ्चमीका अवसरमा आज दिएको शुभकामना सन्देश पनि अर्थपूर्ण छ ।

यसअघि प्रधानमन्त्रीहरुले दिने औपचारिक शुभकामनबाट एक कदम अघि बढेर प्रधामनन्त्री ओलीले वसन्त पञ्चमी (श्रीपञ्चमी)को महत्व र विद्याकी देवी सरस्वतीको अर्थ समेत वैदिक मान्यता अनुसार व्याख्या गरेका छन् ।

प्रधानमन्त्रीको सन्देशमा सरस्वतीका शब्दलाई ब्रह्म, अक्षरलाई अनन्त र यन्त्रलाई नादको स्रोत मानिएको उल्व्लेख छ । असल र खराबको पहिचान गर्ने प्रकाशमाय बुद्धी, संयम र विवेकको प्रतीकका रुपमा सरस्वतीलाई लिइने प्रधानमन्त्रीले जनाएका छन् ।

सन्देशमा भनिएको छ, ‘सरस्वतीको वीणाबाट ब्रह्माण्डमा स्वर, संगीत, ताल र लयको, शब्दबाट ज्ञानको र अक्षरबाट भावको उत्पति भएको मानिन्छ । सभ्यताको विकासक्रमसँगै सरस्वतीलाई बौद्धमार्गीहरुले मञ्जुश्रीको नामले समेत पूजा गर्ने गरेका छन् ।’

प्रधानमन्त्रीले आफ्नो सन्देशमा वैदिक कालदेखि नै प्रज्ञा प्रकाशको प्रतीकाका रुपमा सरस्वती पूजा गरी मनाइने यस पर्वका अवसरमा काव्यविनोदिनी, स्रष्टा, सर्जक, साहित्य, संगीत, कला साधन तथा ज्ञानका अध्येताहरुमा शुभकामना दिएका छन् ।

प्रतिक्रिया

Leave a Reply

Your email address will not be published.

सम्बन्धित खवर