पूर्वमन्त्री बस्नेतको दाबी-कांग्रेस एक्लै चुनाव लड्छ र बहुमत ल्याउँछ – Nepal Press

पूर्वमन्त्री बस्नेतको दाबी-कांग्रेस एक्लै चुनाव लड्छ र बहुमत ल्याउँछ

कैलाली । नेपाली कांग्रेसका केन्द्रीय सदस्य तथा पूर्वमन्त्री मोहन बस्नेतले आफूहरू निर्वाचनमा जान तयार रहेको बताएका छन् ।

सोमवार प्रेस युनियन कैलाली शाखाले धनगढीमा आयोजना गरेको पत्रकार सम्मेलनमा उनले निर्वाचनमा जानुपर्ने अवस्था आए कांग्रेस पछि नपर्ने बताएका हुन् ।

‘चुनावमा जाने अवस्था आए हामी जान्छौँ, प्रतिनिधिसभा पुन:स्थापना भए पनि हामी स्वीकार गर्छौं’, उनले भने ।

निर्वाचनमा जाने अवस्था आए कुनै पनि दलहरूसँग सहकार्य नगर्ने समेत उनले स्पष्ट पारे । ‘कम्युनिष्टसँग हाम्रो सहकार्य हुँदैन’ उनले भने ‘कांग्रेस एक्लै चुनाव लड्छ र बहुमत ल्याउँछ ।’

देशभर बलात्कार, हत्याजस्ता जघन्य अपराध बढिरहे पनि दोषीलाई पक्राउ गर्न नसक्नु सरकारको कमजोरी भएको उनले बताए ।

प्रतिक्रिया

Leave a Reply

Your email address will not be published.

सम्बन्धित खवर