स्रोत अभावले ऊर्जा दशकमा चुनौती थपियो : हितेन्द्रदेव (भिडियो) – Nepal Press

स्रोत अभावले ऊर्जा दशकमा चुनौती थपियो : हितेन्द्रदेव (भिडियो)

काठमाडौं । विद्युत् आपूर्तिका आगि पर्याप्त विद्युत् भएपनि पुरानो संरचना बदल्नु पर्ने चुनौती रहेको नेपाल विद्युत् प्राधिकारणका कार्यकारी निर्देशक हितेन्द्रदेव शाक्यले बताएका छन् ।

विद्युत प्राधिकरण केन्द्रीय कार्यालयमा आइतबार पदबहालीपछि आयोजित बधाई तथा शुभकामना कार्यक्रममा कार्यकारी निर्देशक शाक्यले सो कुरा बताएका हुन् । यसका लागि स्रोतको अभाव रहेको र अर्कोतर्फ स्थानीयको अवरोध भएको उनले बताए ।

वितरण सञ्जाल, ट्रान्सफर्मर स्टेशन, ट्रान्समिसन लाइन र सवस्टेशनमा तत्काल लगानी नबढाए २०७३ देखि २०८३ सम्मको ऊर्जा दशकमा चुनौती थपिएको शाक्यले बताए ।

विद्युत् आपूर्तिका लागि प्रसारण र वितरण लाइनको सुदृढिकरण तथा विस्तार गर्दै मुलुकभित्र र बाहिर खपत पनि बढाउनु पर्ने र यसका लागि बजार खोज्ने काम पहिलो प्राथमिकतामा रहेको उनले बताए । आगामी चार वर्षभित्रमा प्रतिव्याक्ति ऊर्जा ५ सय पुर्‍याउने योजना पनि सुनाए ।

गत कात्तिक २६ देखि कायम कामु कार्यकारी निर्देशकको जिम्मेवारी सम्हालेका शाक्यलाई मन्त्रिपरिषद्को माघ २६ को निर्णयबाट कार्यकारी निर्देशकमा नियुक्त भएका थिए ।

प्रतिक्रिया

Leave a Reply

Your email address will not be published.

सम्बन्धित खवर