स्थानीय जनप्रतिनिधि र कर्मचारीलाई कोरोना खोप लगाउन थालियो – Nepal Press

स्थानीय जनप्रतिनिधि र कर्मचारीलाई कोरोना खोप लगाउन थालियो

काठमाडौं । निजामती सेवाका कर्मचारीलाई आजदेखि कोभिड-१९ खोप दिन थालिएको छ ।

आइतबारदेखि निजामती निजामती सेवाका कर्मचारी, स्थानीय तहका जनप्रतिनिधि र कर्मचारीलगायतलाई कोरोना भाइरसविरुद्धको खोप दिन थालिएको हो ।

काठमाडौंमा निजामती सेवाअन्तर्गतका जिल्ला प्रशासन, मालपोत, नापी, हुलाक, कर कार्यालय, यातायात व्यवस्था कार्यालयका कर्मचारीहरुलाई परिचयपत्र हेरेर प्रदान गरिने निजामती कर्मचारी अस्पतालकी भ्याक्सिन कोअर्डिनेटर मंगलमाया प्रजापतीले बताइन् । त्यसैगरी प्रहरीहरूलाई पनि परिचयपत्र हेरेर खोप प्रदान गरिने उनले जानकारी दिइन् ।

सरकारले माघ १४ गतेदेखि कोरोनाविरुद्धको खोप अभियान शुरू गरेको थियो । पहिलो चरणमा कोरोना महामारीविरुद्ध खटिएका फ्रन्टलाइनरलाई खोप दिइएको थियो ।

दोस्रो प्राथमिकतामा सरकारी तथा निजी कार्यालयका कर्मचारी, सुरक्षाकर्मी र स्थानीय तहका निर्वाचित जनप्रतिनिधिलाई खोप दिन लागिएको हो । यसका लागि देशभर २ सयभन्दा बढी खोपकेन्द्र तोकिएको छ ।

त्यसैगरी, पहिलो चरणमा छुटेका स्वास्थ्यकर्मीले काउन्सिलले लेखेको पत्र अनुसार र नेपाल बैंक, वाणिज्य बैंक, कृषि बैंक र कृषि बैंकका कर्मचारीलाई पनि खोप दिइने भएको छ ।

न्यायाधीश र वकिलहरुलाई पनि परिचय पत्रअनुसार खोप दिइने प्रजापतीले बताइन् ।

प्रतिक्रिया

Leave a Reply

Your email address will not be published. Required fields are marked *

सम्बन्धित खवर
नेपाल अपडेट ट्रेन्डिङ