२ करोड हिनामिनाको आरोपमा गाउँपालिकाका प्राविधिक निलम्बन – Nepal Press

२ करोड हिनामिनाको आरोपमा गाउँपालिकाका प्राविधिक निलम्बन

सिमकोट । हुम्लाको सर्केगाड गाउँपालिकाका प्रमुख प्रशासकीय अधिकृत दीपककुमार आचार्यले प्राविधिक सहायक (अधिकृत छैटौँ) रुद्रबहादुर शाहीलाई ९० दिनका लागि निलम्बन गरेका छन् ।

२०७७ साउनदेखि कात्तिकसम्म गाउँपालिकामा अनुपस्थित रहेको र गत आर्थिक वर्षमा निमित्त प्रमुख प्रशासकीय अधिकृत हुँदा दुई करोड बराबरको रकम अनियमितता गरेको भन्दै शाहीलाई निलम्बन गरिएको हो ।

निलम्बन नगरेको खण्डमा सरकारी हानी नोक्सानी हुने र आफूविरुद्धको प्रमाण नष्ट गर्ने भन्दै प्रशासकीय अधिकृत आचार्यले गते बिहीबारदेखि निलम्बन गरिएको जानकारी दिए । कारबाही गर्न नपर्ने कुनै कारण भए ७ दिनभित्र प्रमाण पेस गर्न भनिएको छ ।

तर शाहीले आफूमाथिको आरोप अस्वीकार गरेका छन् । उनले भने, ‘अहिले पनि प्रमुख प्रशासकीय अधिकृत आचार्यले दिएको नियुक्तिका अधारमा गाउँपालिकाका सम्पूर्ण काम गरिरहेको छु ।’

रासस

प्रतिक्रिया

Leave a Reply

Your email address will not be published.