‘डाकिनी’ अफिसियल ट्रेलर रिलिज, फिल्मलाई अप्रिलमा नेपाल रिलिज गर्ने तयारी

काठमाडौं । नेपाली फिल्म डाकिनी (लुकिङ फर अ लेडी विथ फ्यांग्स एन्ड मुस्टाच)को अफिसियल ट्रेलर रिलिज भएको छ । फिल्मको विश्वव्यापी अधिकार किनेको अमेरिकी कम्पनी एब्रामोरामाले ट्रेलर सार्वजनिक गरेको हो ।

खिन्से नोर्बु निर्देशित फिल्म अप्रिल ८ मा न्यूयोर्कमा प्रिमियर हुँदैछ भने नेपालमा सोही महिनामा रिलिज तयारी भैरहेको छ ।

फिल्मलाई ओलिभिया ह्यारिसन, रविन्द्रसिंह बानियाँ र म्याक्स दिपेश खत्रीले मिलेर निर्माण गरेका हुन् । ‘इन द मुड फर लभ’ फेम्ड मार्क ली पिङ बिङ छायांकार हुन् ।

छिरिङ तासी ग्यालेन्जन, टल्कु कुन्जोङ, तेन्जिङ कुन्सेल र नवाङ तेन्जिङको मुख्य अभिनय रहेको फिल्मलाई यसैवर्ष नेपालमा रिलिज गर्ने तयारी भैरहेको निर्माता बानियाँले बताए ।