प्रधानमन्त्री-थाई राजदूतबीच भेट, भैरहवादेखि थाइल्याण्ड हवाई सेवाको चर्चा – Nepal Press

प्रधानमन्त्री-थाई राजदूतबीच भेट, भैरहवादेखि थाइल्याण्ड हवाई सेवाको चर्चा

काठमाडौं । प्रधानमन्त्री केपी शर्मा ओलीसँग नेपालका लागि थाईल्याण्डका राजदूत भोषित भोरासाफले शिष्टाचार भेट गरेका छन् ।

भेटका क्रममा राजदूत भोरासाफले थाइल्याण्ड र भैरहवा विमानस्थलबीच सीधा हवाई सम्बन्ध जोड्न सके नेपालमा थाई पर्यटकको आगमन बढाउन सकिनेतर्फ प्रधानमन्त्रीको ध्यानाकर्षण गराएका छन् ।

प्रधानमन्त्रीले दुई मुलुकबीच बौद्ध धर्ममार्फत जोडिएका साँस्कृतिक एवं जनस्तरको सम्बन्धलाई थप प्रगाढ बनाउन दुवैतर्फ रहेका बौद्ध तिर्थस्थलमा पर्यटक आवागमनलाई बढावा दिनुपर्नेमा जोड दिएका छन् । ओलीले कुटनीतिक सम्बन्ध जोडिएको ६२ वर्ष लामो भएपनि यी दुई देशबीच सम्बन्ध भने त्यसभन्दा लामो रहेको उल्लेख गरेका छन् । यस सम्बन्धलाई थप उचाई दिन नयाँ सम्भावनाहरु पहिल्याउनु पर्ने उनको धारणा छ ।

प्रधानमन्त्री र राजदूतबीच दुई मुलुकको लामो समयदेखि रहिआएको मैत्रीपूर्ण सम्बन्धलाई नयाँ गतिका साथ अघि बढाउने विषयमा समेत छलफल भएको छ ।

प्रतिक्रिया

Leave a Reply

Your email address will not be published.

सम्बन्धित खवर