नेपाली फिल्म ‘डाकिनी’को विश्व्यापी राइट अमेरिकी कम्पनी एब्रामोरोमाले किन्यो – Nepal Press

नेपाली फिल्म ‘डाकिनी’को विश्व्यापी राइट अमेरिकी कम्पनी एब्रामोरोमाले किन्यो

काठमाडौं । न्यूयोर्कस्थित फिल्म वितरक कम्पनी एब्रामोरामाले नेपाली फिल्म डाकिनी (लुकिङ फर अ लेडी विथ फ्यांग्स एन्ड मुस्टाच)को विश्वव्यापी वितरण अधिकार खरिद गरेको छ ।

खिन्से नोर्बु निर्देशित यो फिल्मलाई आगामी अप्रिल ८ मा न्यूयोर्कमा रुबिन स्रग्रहालयले भर्चुअल प्रिमियर गर्दैछ । नेपालमा छायांकन गरिएको र नेपाली भाषाको उक्त फिल्म एब्रामोरामाको डिजिटल प्लेटफर्ममा समेत रिलिज गर्ने जनाइएको छ ।

काठमाडौंमा क्याफे चलाएर बसिरहेको एक युवालाई सपनामा केही संकेत मिल्छ । एकदिन उसको साथीले सपनाको अर्थ खुलाइदिन्छ र भन्छ– तिमी अब जम्मा ७ दिन बाँच्छौं । तर, जब उसले यो संकट डाकिनीले हटाउन सक्ने थाहा पाउँछ अनि शुरू हुन्छ जुँगा र दाह्रा भएकी डाकिनीको खोजी । उसले डाकिनी कहाँ फेला पार्छ ? उसको जीवन बच्छ कि बच्दैन ? यसकै वरपर फिल्मको कथा बगेको छ ।

फिल्म समिक्षा : डाकिनी

प्रिमियरपछि निर्देशक नोर्बुले डा. रिचर्ड जे डेभिड्सनसँग फिल्मबारे संवाद समेत गर्दैछन् । फिल्मलाई ओलिभिया ह्यारिसन, रविन्द्रसिंह बानियाँ र म्याक्स दिपेश खत्रीले मिलेर निर्माण गरेका हुन् । ‘इन द मुड फर लभ’ फेम्ड मार्क ली पिङ बिङ छायांकार हुन् ।

छिरिङ तासी ग्यालेन्जन, टल्कु कुन्जोङ, तेन्जिङ कुन्सेल र नवाङ तेन्जिङको मुख्य अभिनय रहेको फिल्मलाई यसैवर्ष नेपालमा रिलिज गर्ने तयारी भैरहेको निर्माता बानियाँले बताए ।

प्रतिक्रिया

Leave a Reply

Your email address will not be published.