म्यानमारको सैन्य सरकारलाई अमेरिकाको प्रतिबन्ध – Nepal Press

म्यानमारको सैन्य सरकारलाई अमेरिकाको प्रतिबन्ध

एजेन्सी । अमेरिकी राष्ट्रपनि जो बाइडेनले म्यानमारमा सत्ता हातमा लिएको सैनिक नेतृत्वमाथि कारबाही गरिने बताएका छन् । सैनिक जनरललाई सत्ता छाड्न आग्रह गर्दै उनले म्यानमारका लागि अमेरिकी सहयोग स्थगित भएको घोषणा पनि गरे ।

बाइडेनले भनेका छन्, ‘मैले एउटा यस्तो कार्यकारी आदेशमा हस्ताक्षर गरेको छु जो सैन्य हस्तक्षेप भएका देशहरुका नेतृत्वमाथि तत्कालै प्रतिबन्ध लागू गर्छ । उसका व्यापारिक हित र नजिकका अरुलाई पनि प्रतिबन्ध लगाइन्छ ।’

बाइडेनका अनुसार अमेरिकाले यो साता प्रतिबन्ध लगाउनुपर्ने मानिस र गतिविधिको निक्र्योल गर्नेछ । तत्कालका लागि म्यानमारमा निर्यात प्रतिबन्ध लगाइनेछ र आवश्यक पर्दा अन्य प्रतिबन्ध पनि प्रयोगमा ल्याइनेछ ।

उनले भने, ‘म आज फेरि एकपल्ट बर्माको सेनासँग आङ सान सूची र विन मिन्त लगायत लोकतन्त्रबादी नेता कार्यकर्ताको तुरुन्त रिहाईको माग गर्छु, र सेनाले सत्ता छोड्नुपर्छ ।’ अमेरिकाले १ अर्ब डलरबराबरको सहायता प्याकेज स्थगित गरिदिएको हो ।

सैन्य कू को बिरोध र आफ्नो नेताहरुको रिहाइको माग गरी म्यानमारमा दिनदिनै प्रदर्शन भइरहेका छन् ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर