राजेश र अनुपपछि पल शाह पनि ‘सत्यम’मा अनुबन्धित – Nepal Press

राजेश र अनुपपछि पल शाह पनि ‘सत्यम’मा अनुबन्धित

काठमाण्डौ। अभिनेता पल शाह पनि फिल्म ‘सत्यम’मा अनुबन्धित भएका छन् । राजेश हमाल र अनुपविक्रम शाहीपछि पल फिल्ममा जोडिएका हुन् । कथावस्तु र भूमिका मनपरेपछि पलले फिल्म साइन्ड गरेको निर्माता रेशम सापकोटाले जानकारी दिए ।

पलको प्रवेशसँगै सत्यम लाइनअपले लगभग पूर्णता प्राप्त गरेको छ । हमाललाई आफ्नो आदर्श मान्ने गरेका पलले पहिलो पटक हमालसँग फिल्ममा स्क्रिन सेयर गर्न लागेका हुन् । अनुपसँग पनि उनको पहिलो सहकार्य हो ।

पहिलोपटक हमालसँग फिल्म खेल्न लागेकोप्रति पल उत्साही सुनिए । पछिल्ला छिमलका तीन लोकप्रिय अभिनेतालाई पहिलोपटक पर्दामा सँगै देख्न लागिएको हो ।

निर्माताले फिल्ममा पलको भूमिकाबारे खुलाउन चाहेनन् । फिल्मलाई उत्कृष्ट बनाउन कलाकारको टीम बलियो बनाउन लागेको उनको भनाई छ । सहायक निर्मातामा श्याम मल्ल र गणेश पौडेल रहेका छन् ।

एक्सन जनरामा निर्माण हुन लागेको फिल्म ‘सत्यम्’ का लागि निर्माण टीमले अडिसनबाट पनि कलाकार छनोट गर्दैछ । यसका लागि काठमाडौं र पोखरामा अडिसन भइसकेको छ, जसमा कूल ५ सय २३ जनाले सहभागिता जनाएका थिए । अब निर्माण टिमले भर्चुअल अडिसन आह्वान गरेको छ । भर्चुअलमा नेपालसँगै विदेशबाट पनि अडिसन दिन सक्ने निर्देशक कार्कीले जानकारी दिए ।

प्रतिक्रिया

Leave a Reply

Your email address will not be published.

सम्बन्धित खवर