‘डिसेम्बर फल्स’मा आर्यन र उपासनाको रोमान्टिक लुक्स (फोटो फिचर)

काठमाडौं । माघ पहिलो साताबाट पोखराका बिभिन्न स्थानमा छायांकन भइरहेको फिल्म ‘डिसेम्बर फल्स’ का तस्विर सार्वजनिक भएका छन् । फोटामा अभिनेता आर्यन सिग्देल र अभिनेत्री उपासनासिंह ठकुरी बिभिन्न भावमा प्रस्तुत भएको देखिन्छ ।

प्रविण झाको निर्देशनमा निर्माण भइरहेको फिल्मलाई दक्षिण भारतीय फिल्मका ब्यस्त छायाँकार महेश आर गुप्ताले खिचिरहेका छन् । रामप्रसाद रिजालको प्रस्तुति रहेको फिल्मको कार्यकारी निर्माता लक्ष्मण रिजाल र निर्मातामा राजकुमार भट्ट छन् ।

फिल्मको केही दिनमा पोखरा सेडयुल समापन हुने र त्यसपछि झण्डै दुई साता काठमाडौमा खिचिने बताइएको छ । आर्यन र उपासनाका साथमा सुमन थापा रोहित, सलोन बस्नेत, दयाराम दाहाल, नरेश भट्टराईको अभिनय छ ।

बिपी खनालको कथा रहेको फिल्मको पटकथा र सम्वाद केदार भुसालले लेखेका हुन् । ०७८ को साउन १ गते प्रदर्शन मिति तोकिएको छ ।