प्रेस युनियन काठमाडौंले पूर्वअध्यक्षहरूलाई सम्मान गर्ने – Nepal Press

प्रेस युनियन काठमाडौंले पूर्वअध्यक्षहरूलाई सम्मान गर्ने

काठमाडौं । नेपाल प्रेस युनियन काठमाडौं शाखाले पूर्वअध्यक्षहरूलाई सम्मान गर्ने भएको छ । शाखाको मंगलबारको बैठकले प्रेस युनियनको संगठन सुदृढीकरण, पत्रकारितामार्फत लोकतान्त्रिक मूल्य मान्यताको प्रवर्द्धन र व्यावसायिक पत्रकारितामार्फत समाजमा पुर्‍याएको योगदानको कदर गर्दै सम्मान गर्ने निर्णय गरेको हो ।

सम्मानित हुने पूर्वअध्यक्षहरूमा स्व.भरत भूर्तेल, गोकर्ण अर्याल, शिव लम्साल, लीलाराज खनाल, नारायण अर्याल, सुरेन्द्रप्रसाद पाण्डे र नकुल अर्याल छन् ।

त्यस्तै युनियनको नवौं महाधिवेशन काठमाडौंमा आयोजना गर्न शाखाले प्रस्ताव गरेको छ । आगामी जेठ १३ र १४ गतेका लागि तय गरिएको महाधिवेशन काठमाडौंमा आयोजना गर्न उपयुक्त हुने भएकोले आतिथ्यताको अवसर प्रदान गर्न काठमाडौं शाखाले प्रस्ताव गरेको अध्यक्ष जगन्नाथ दुलालले जानकारी दिए ।

बैठकले प्रजातन्त्र दिवसको सन्दर्भमा संविधान कार्यान्वयनका समस्या र प्रेसको भूमिका विषयक अन्तरक्रिया गर्ने, पत्रकार महासंघको महाधिवेशनको तयारी थाल्ने तथा श्रमजीवी पत्रकारहरूको हितमा क्रियाशील रहने निर्णयसमेत गरेको छ ।

प्रतिक्रिया

Leave a Reply

Your email address will not be published.

सम्बन्धित खवर