बजेटको अर्धवार्षिक समीक्षा : आकार घटाइयो, कोभिडविरुद्ध खोप र निर्वाचन प्राथमिकता – Nepal Press

बजेटको अर्धवार्षिक समीक्षा : आकार घटाइयो, कोभिडविरुद्ध खोप र निर्वाचन प्राथमिकता

काठमाडौं । सरकारले चालु आर्थिक वर्षको बजेटको आकार घटाएको छ । अर्थमन्त्रालयमा आयोजित अर्धवार्षिक समीक्षामा अर्थमन्त्री विष्णु पौडेलले सरकारको प्राथमिकता निर्वाचन र कोभिडविरुद्धको खोपमा रहेको समेत बताए ।

६ महिनाको बजेट खर्चको अनुमानका आधारमा यस आर्थिक वर्षको बजेट १३ खर्ब ४४ अर्ब ६८ करोड रुपैयाँको मात्र हुने अर्थ मन्त्रालयले जनाएको छ । यसमा अनिवार्य दायित्व र पूर्वसहमति दिइएका आयोजनाको बजेट कटौती नहुने मन्त्री पौडेलले बताएका छन् ।

संशोधित अनुमानअनुसार चालु खर्च ९ खर्ब १४ अर्ब, पूँजीगत खर्च २ खर्ब ८३ अर्ब र वित्तीय व्यवस्थातर्फ १ खर्ब ४६ अर्ब रूपैयाँ विनियोजन गरिएको छ ।

सरकारले पछिल्लो तीन वर्षदेखि निरन्तर बजेटको आकार समीक्षामा घटाएको छ । शुरुमा  महत्त्वाकांक्षी बजेट ल्याउने र त्यो कार्यान्वयन गर्न नसकेपछि आकार घटाउने गरेको हो । अघिल्ला अर्थमन्त्री डा. युवराज खतिवडाले दुईवटा बजेटको आकार घटाएका थिए।

 

प्रतिक्रिया

Leave a Reply

Your email address will not be published.