भागरथी हत्यामा संलग्नलाई गिरफ्तार गर्न नेविसंघद्वारा गृहमन्त्रीको ध्यानाकर्षण – Nepal Press

भागरथी हत्यामा संलग्नलाई गिरफ्तार गर्न नेविसंघद्वारा गृहमन्त्रीको ध्यानाकर्षण

काठमाडौं । बैतडीकी किशोरी भागरथी भट्टको बलात्कारपछिको हत्यामा संलग्नलाई तत्काल गिरफ्तार गर्न नेपाल विद्यार्थी संघले गृहमन्त्री रामबहादुर थापाको ध्यानाकर्षण गराएको छ ।

मंगलबार पूल्चोकस्थित मन्त्रीनिवासमा पुगी नेविसंघ पदाधिकारीहरूले किशोरी हत्या प्रकरणको छानबिनलाई प्रभावकारी बनाउन र दोषी उम्कन नपाउने सुनिश्चित गर्न माग गरेका हुन् ।

नेविसंघ अध्यक्ष राजीव ढुंगानाले गृहमन्त्री थापालाई ज्ञापनपत्र बुझाउँदै भागरथीसहित सम्झना विक, निर्मला पन्तलगायतको हत्याका दोषीलाई पनि कारबाही गर्न माग गरे ।

‘किशोरी बलात्कारका पुराना घटनामा पनि दोषीलाई कारबाही भएको छैन । यसपटक त्यस्तो नियति नहोस् । दोषीलाई कारबाही नभए नेविसंघ कडा आन्दोलनमा उत्रन्छ’, अध्यक्ष ढुंगानाले भने ।

नेविसंघको ज्ञापनपत्र बुझ्दै गृहमन्त्री थापाले दोषी कुनै हालतमा नउम्कने बताए । प्रहरीले प्रभावकारी ढंगबाट अपराधको अनुसन्धान जारी राखेको भन्दै गृहमन्त्री थापाले बैतडी घटनाका अपराधी छिट्टै पक्राउ पर्ने विश्वास दिलाए ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर