गर्मी मौसममा ओबामा फिल्म सगरमाथामा छायांकन हुने, जेन पिडमले निर्देशन गर्ने – Nepal Press

गर्मी मौसममा ओबामा फिल्म सगरमाथामा छायांकन हुने, जेन पिडमले निर्देशन गर्ने

काठमाडौं । पहिलो सगरमाथा आरोही तेन्जिङ नोर्गे शेर्पामाथि बन्न लागेको नेटफिल्क्स फिल्म ‘तेन्जिङ’लाई अष्ट्रेलियन निर्देशक जेन पिडमले निर्देशन गर्ने भएकी छिन् ।

हाइ–अल्टिच्युड डकुमेन्ट्री ‘शेर्पा एन्ड माउन्टेन’ निर्देशन गरिसकेकी पिडमले निर्देशकमा आबद्ध हुनु पाएकोमा निकै खुशि लागेको प्रतिक्रिया दिएकी छिन् । ‘उत्साहित छु’ उनले भनिन्, ‘यो कथामा काम गर्न पाउँदा निकै खुशि छु ।’

अन्तराष्ट्रिय संचारमाध्यमका अनुसार फिल्मलाई नेपाल र न्यूजिल्यान्डमा छायांकन गरिने भएको छ । अर्का पहिलो सगरमाथा आरोही सर एडमन्ड हिलारीको देश न्यूजिल्यान्ड र तेन्जिङको नेपालमा फिल्म सुट गरिने भएको छ । सन् १९५३ मा हिलारी र शेर्पाले सगरमाथा चढेका थिए ।

१५ वर्षदेखि निर्देशक पेडमले संसारका अग्ला पर्वत श्रृंखलाबारे फिल्म बनाइरहेकी छिन् । २०१५ को फिल्म ‘शेर्पा चर्चित भएको थियो । ‘एभरेस्ट विजयमाथि तेन्जिङले हासिल गरेको सफलताको कथालाई फिल्मले पुनः भन्नेछ’ उनी भन्छिन्, ‘किनभने तेन्जिङ केवल शेर्पा गाइड मात्र थिएनन् ।’

माथिल्लो तस्विर : जेन पिडम सगरमाथामा डकुमेन्ट्री ‘शेर्पा’ छायांकन क्रममा । तस्विर – फुटप्रिन्ट

नेपालको पदयात्रामा डकुमेन्ट्री खिच्न थालेपछि भने पिडमलाई फिल्म निर्देशनमा सक्रिय हुन मन लाग्यो । डिस्कभरी च्यानलका लागि उनले खिचेको ‘एभरेस्ट : बियोन्ड द लिमिट’पछि बनेको शेर्पाले सगरमाथामा आएको हिमआँधीबारे कथा भन्छ ।

आफू लामो समयदेखि तेन्जिङको परिवार र शेर्पा समुदायसँग निकट रहेको पिडमको भनाई छ । फिल्म तेन्जिङको कथा चाहिँ अष्ट्रेलियाली फिल्म लेखक ल्युक डेभिसले लेखिरहेका छन् । उनले यसअघि लायन फिल्म लेखेका थिए ।

एड डग्लसको बायोग्राफी ‘तेन्जिङ : हिरो अफ एभरेस्ट’माथि फिल्म आधारित हुनेछ । अष्ट्रेलियाली फिल्म मेकर डेभिड माइकर्ड र तेन्जिङका छोरा नोर्बु कार्यकारी निर्माता हुनेछन् ।

कोभिड–१९ महामारीले छायांकन योजनालाई अवरुद्ध गरेको र उपयुक्त मौसममा फिल्मलाई नेपाल र न्यूजिल्यान्डमा छायांकन गरिने जनाइएको छ । बाराक ओबामाको फिल्म कम्पनी हाइअर ग्राउन्डले सन् २०१८ मा नेटफिल्क्ससँग ६ वटा फिल्म बनाउने सम्झौता गरेको थियो ।

प्रतिक्रिया

Leave a Reply

Your email address will not be published.

सम्बन्धित खवर