नेकपाका दुवै पक्षको अडानका कारण १ नम्बर प्रदेशसभा बैठक अन्योल – Nepal Press

नेकपाका दुवै पक्षको अडानका कारण १ नम्बर प्रदेशसभा बैठक अन्योल

विराटनगर । विभाजिन नेकपाको आन्तरिक कलहका कारण नेकपा भित्रकोे आन्तरीक कलहका कारण माघ ७ गते ३ मिनेट बसेर स्थगित भएको १ नम्बर प्रदेशसभा हिउँदे अधिवेशनको दोश्रो बैठक आज २ बजे बस्दैछ ।

सरकारले आज बस्ने प्रदेशसभाको बैठकका लागि आवश्यक काम नदिएको अवस्थामा मुख्यमन्त्री शेरधन राईविरुद्ध दर्ता भएको अविश्वासको प्रस्तावले प्रक्रियामा प्रवेश पाउने सम्भावना छ । तर मुख्यमन्त्री राई आफूविरुद्धको प्रस्तावमा प्रक्रिया पूरा नभएकाले खारेजीको अडानमा छन् ।

उनले सभामुख प्रदीपकुमार भण्डारीलार्ई दवावसमेत दिँदै आएका छन् । प्रचण्ड-माधव पक्षले भने सभामुखलाई भेटर बैठक नियमित सञ्चालनको आग्रहसहित मुख्यमन्त्रीविरुद्धको अविश्वासको प्रस्ताव प्रकृयामा लैजान दवाव दिइरहेको छ ।

नेकपाका दुवै पक्षको आआफ्नो अडानका कारण आजको बैठक पनि प्रभावित हुने सम्भावना छ । मुख्यमन्त्रीबिरुद्धको अविश्वास प्रस्ताव प्रक्रियामा गइहाल्यो भने पनि शेरधन राई पक्षले संसद अबरुद्ध पार्नेछन् ।

नेकपा संसदीय दलका (ओली)पक्षका प्रमुख सचेतक बुद्धीकुमार राजभण्डारीले कारबाही गरिएका प्रदेशसभा सदस्यहरु बैठकमा सहभागी भए बैठक अबरुद्ध हुने बताए । ‘दल विभाजनको निर्क्याेल नभएसम्म दलका नेताले सदस्यहरुलाई कारबाही गर्नुभएको अबस्था छ’ प्रमुख सचेतक राजभण्डारीले भने, ‘यस्तो अबस्थामा बैठकमा उनीहरु सहभागी हुन मिल्दैन । यदि जबर्जस्ती हुन्छ भने हामी विरोध गर्छौ, बैठक चल्न दिँदैनौं ।’

उनले प्रचण्ड–माधव समूहले मुख्यमन्त्री शेरधन राईविरुद्ध अविश्वासको प्रस्ताव फिर्ता लिएको अबस्थामा मात्र आफनो समूहलेपनि सदस्यमाथिको कारबाही फिर्ता लिने प्रष्ट पारे ।

प्रचण्ड-माधव खेमा भने प्रदेशसभा सदस्यहरुको प्रवेशमा कुनै अवरोध गर्ने पक्षमा देखिएको छैन । यसले कुनैपनि हालतमा बैठक सुचारु हुनुपर्ने अडानमा छ ।

प्रचण्ड-माधव समूहका नेता इन्द्र आङ्म्बोले प्रदेशसभा बैठक सन्चालन हुनुपर्ने पक्षमा आफुहरु रहेको बताएका छन् । उनले सरकारले कुनै विजनेश समेत नदिएको अबस्थामा मुख्यमन्त्री राईविरुद्धको अविश्वास प्रस्तावलाई आजको बैठकको कार्यरुचीमा समावेश गरी प्रकृयामा लैजानुपर्ने दोहोर्‍याए ।

ओली पक्षले अविश्वासको प्रस्तावमा हस्ताक्षर गर्ने १६ जना सांसदलाई कारबाही गरेको जनाएको छ । प्रचण्ड-माधव समूहले पनि मुख्यमन्त्रीलाई दलको नेताबाट हटाउँदै मन्त्री मण्डलका अन्यसहित ८ जनालाई कारबाही गरेको छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर