ओल्ड ट्राफोटमा एभर्टनको बहादुरीपूर्ण बराबरी – Nepal Press

ओल्ड ट्राफोटमा एभर्टनको बहादुरीपूर्ण बराबरी

एजेन्सी । डोमिनिक क्यालभर्ट लेविनले इन्जूरी समयको अन्तिम मिनेटमा गोल गरेपछि एभर्टनले म्यानचेस्टर युनाइटेडबिरुद्ध उसकै मैदानमा नाटकीय रुपमा अंक खोसेको छ ।

६ गोलको सनसनी खेलमा दुई पल्ट पछि परेको स्थितिबाट पुनरागमन गर्दै एभर्टनले खेल ३–३ को बराबरीमा सकायो र कम्तिमा १ अंक हासिल गर्न सफल भयो ।

इडिन्सिन काभानीले २४ औं र बुर्नो फर्नान्डेजले ४५ औं मिनेटमा गोल गरेपछि घरेलु टोली युनाइटेडले पहिलो हाफमा २–० को अग्रता बनाएको थियो ।

तर दोस्रो हाफको सुरुआती ७ मिनेटभित्र एभर्टनले २ गोल फर्कायो । ४९ औं मिनेटमा डोकोउर र ५२ औं मिनेटमा रोड्रिग्वेजले गोल गरेका हुन् ।

म्युनिख विमान दुर्घटनाको ६३ औं स्मृति दिवसका दिन ७० औं मिनेटमा म्याकटोमिनेको हेडिङ गोलपछि म्यानचेस्टरको जित निश्चित भएको अनुमान लगाइएको थियो । तीन अंक जोड्न सकेको भए युनाइटेडले शीर्ष स्थानको म्याचनेस्टर सिटीसँग अंक बराबरी गर्ने थियो ।

लिग लिडर सिटीको भन्दा युनाइटेडको २ अंक कम छ । तर युनाइटेडले छिमेकी प्रतिद्वन्द्वीभन्दा २ खेल बढी खेलेको छ ।

तालिकामा शीर्ष स्थितिको बारेमा स्काइ स्पोर्टससँग कुरा गर्दै युनाइटेडका प्रशिक्षक ओले गनर सोल्सायरले भनेका छन्, ‘हामीले एउटा लामो यात्रा तय गरिसकेका छौं । हामी अहिले उपाधिको बारेमा कुरा गरिरहेका छैनौं । हामीले राम्रो टिम सन्तुलन पाएका छौं र हेरौं कहाँ पुगिन्छ ।’


प्रतिक्रिया

Leave a Reply

Your email address will not be published. Required fields are marked *