कवि चिलुवालको कविता संग्रह ‘चुल्ठो’ सार्वजनिक – Nepal Press

कवि चिलुवालको कविता संग्रह ‘चुल्ठो’ सार्वजनिक

काठमाठौं । कवि कल्पना चिलुवालको कविता संग्रह ‘चुल्ठो’ सार्वजनिक भएको छ । शनिबार राजधानीको मण्डला थिएरटरमा एक कार्यक्रम गरेर पुस्तक बमोचन गरिएको हो । बेला प्रकाशनले प्रकाशित गरेको पुस्तकमा ५५ वटा कविता समावेश छन् ।

कविता संग्रहमाथि लेखक उज्ज्वल प्रसाईं र राजनीतिकर्मी मानुषी यमि भट्टराईंले टिप्पणी गरेका थिए ।

प्रसाईंले कवि चिलुवालका कविताले समाज र सत्तामाथि प्रश्न गरेको बताए । केही कविता वाचन समेत गरेका उनले अहिलेको राजनीतिक संघर्षसँग पनि कवितालाई तुलना गरेर हेर्न सकिने धारणा राखे ।

भट्टराईले चाहिं चिलुवालका कविता रूप र सार दुवै दृष्टिमा राम्रो भएको टिप्पणी गरिन । कविता नबुझ्नेहरूले समेत बुझ्ने गरि चिलुवालका कवितामा सरलता पाइने उनको मुल्यांकन छ ।

कविताले सबैलाई पढ्न उत्प्रेरित गर्ने भए पनि स्पष्ट बर्गीय पक्षधरता भने देखाएको उनको ठहर छ । ‘सबैले कविता पढ्न सक्छन् तर सबैलाई खुसी पार्नका लागि लेखिएको होइन,’ उनको बुझाइ छ ।

कवि चुलवाले भने कविता आफै बोल्ने भन्दै आफ्ना कविताले धेरैलाई पढ्न उत्प्रेरित गरेमा त्यो आफूका लागि सबैभन्दा खुसीको कुरा हुने बताइन।


प्रतिक्रिया

Leave a Reply

Your email address will not be published. Required fields are marked *