काठमाडौं नजिकका डाँडामा हिमपात, भोलिदेखि न्यून चापीय क्षेत्र पूर्वतिर सर्ने (फोटो/भिडियो) – Nepal Press

काठमाडौं नजिकका डाँडामा हिमपात, भोलिदेखि न्यून चापीय क्षेत्र पूर्वतिर सर्ने (फोटो/भिडियो)

 

काठमाडौं । पश्चिमी वायुको प्रभावले शनिवार राजधानी काठमाडौंमा वर्षा भएसँगै नजिकका डाँडाकाँडामा हिमपात भएको छ । चन्द्रागिरि, फुल्चोकी, गोदावरी, शिवपुरीलगायतका क्षेत्रमा हिमपात भएपछि युवाहरु हिउँसँग खेल्न ती ठाउँमा पुगिसकेका छन् ।

पालुङमा भएको हिमपात । तस्विर : देवकी विष्ट

त्यस्तै नगरकोट, खरिढुंगा, दामन लगायतका क्षेत्रमा पनि बाक्लो हिमपात भएको छ । वरिष्ठ मौसमविद वरुण पौडेलका अनुसार आइतवारदेखि काठमाडौंलगायत मध्यक्षेत्रको मौसम सफा हुनेछ भने न्यून चापीय क्षेत्र पूर्वतिर सर्नेछ ।

गोदावरीको डाँडामा परेको हिउँ ।

यसअघि पश्चिममा वर्षात्सँगै हिमपात भएको थियो । केही दिनमा अधिकतम तापक्रम बृद्धिसँगै अहिलेको चिसो कम हुँदै जानेछ । यसवर्ष हिउँदे वर्षा कम भएका कारण अधिकांश क्षेत्र सुख्खा छन् । पौडेलका अनुसार सुदूरपश्चिम र कर्णाली क्षेत्रमा घाम लाग्ने क्रम बढिसकेको छ भने आइतवारदेखि काठमाडौंको मौसम पनि घमाइलो हुनेछ ।

प्रतिक्रिया

Leave a Reply

Your email address will not be published.