रंगशाला निर्माण सहयोगार्थ खेलाडी र कलाकारबीचको च्यारिटी क्रिकेट आज – Nepal Press

रंगशाला निर्माण सहयोगार्थ खेलाडी र कलाकारबीचको च्यारिटी क्रिकेट आज

काठमाडौं । धुर्मुस सुन्तली फाउण्डेसनले चितवनको रामपूरमा निर्माण गरिरहेको गौतम बुद्ध अन्तर्राष्ट्रिय क्रिकेट रंगशालामा आर्थिक सहयोगका लागि खेलाडी र कलाकारबीचको च्यारिटी क्रिकेट खेल आज हुँदैछ ।

भरतपुर महानगरपालिका–१४ स्थित निर्माणस्थलमा रहेको नमूना मैदानमा हुने खेल बिहान १० बजेदेखि सुरु हुनेछ । च्यारिटी खेलको आयोजना कृष्मा ब्रोडकास्टिङले गरेको हो ।

खेलका लागि ४५ जना कलाकार तथा खेलाडीको टोली हिजै चितवन पुगिसकेको छ । हरि खड्का, दीपक विष्ट, संगीना बैद्य, विनोद भण्डारी, रेश्मा भण्डारी, मण्डेकाजी श्रेष्ठ, सदिना श्रेष्ठ लगायतका फरक फरक खेलका स्टार खेलाडीहरु चितवन पुगेका छन् ।

कलाकारहरुका तर्फबाट सन्दीप क्षेत्री, दयाहाङ राई, रामकृष्ण ढकाल, बद्री पंगेनी, प्रकाश सपुत, प्रमोद खरेल, मिस नेपाल श्रृंखला खतिवडा लगायतको सहभागिता रहनेछ ।

धुर्मुस ए र बी तथा सुन्तली ए र बी गरी चार टोली बनाएर १० ओभरको खेल खेलाडइनेछ । दुइ खेलको विजेता टोलीबीच आजै फाइनल खेल पनि हुने कार्यक्रम तय भएको धुर्मुस सुन्तली फउण्डेसनका अध्यक्ष सिताराम कट्टेलले जानकारी दिए ।

कार्यक्रम स्थलमा आर्थिक सहयोग संकलन कार्यक्रम पनि छ ।


प्रतिक्रिया

Leave a Reply

Your email address will not be published. Required fields are marked *