गोल्डेन ग्लोब्स मनोनयन घोषणा : नेटफिल्क्सका फिल्म सर्वाधिक विधामा – Nepal Press

गोल्डेन ग्लोब्स मनोनयन घोषणा : नेटफिल्क्सका फिल्म सर्वाधिक विधामा

काठमाडौं । ७८ औं गोल्डेन ग्लोब्स अवार्डको मनोनयन सार्वजनिक भएको छ । लकडाउन समयमा ओटीटी प्लेटफर्ममा हेरिएका नयाँ र पुराना फिल्म र सिरिज मनोनयन सूचिमा छन् ।

नेटफिल्क्सका फिल्म र सिरिज सर्वाधिक विधामा मनोनयन भएका छन् । ‘म्यांक’ सिरिजमात्र ६ विधामा मनोनित भएको छ । ‘द ट्रायल अफ दी सिकागो ७’ पाँच विधामा मनोनित छ ।

टेलिभिजन खण्डमा ‘द क्राउन’ ६ विधामा मनोनित छ । गतवर्ष निधन भएका अभिनेता चाडविक बोसम्यान अभिनित नेटफिल्क्स फिल्म ‘मा राइनिज ब्ल्याक बटम’ पनि मनोनित भएको छ ।

आउने सोमबार बिहान भर्चुअल रुपमा गोल्डेन ग्लोब्स अवार्ड वितरण हुँदैछ । टेलिभिजनका प्रसिद्ध होस्ट नोरम्यान लियरले दीर्घ साधना सम्मानको रुपमा क्यारोल बर्नेट अवार्ड प्राप्त गर्नेछन् ।

उत्कृष्ट फिल्मको मनोनयनमा द फादर, म्यांक, नोमल्यान्ड, प्रमिसिङ योङ वुमन र द ट्रायल अफ दी सिकागो ७ छन् । विदेशी भाषी फिल्ममार्फत डेनमार्कको एनोदर राउन्ड, फ्रान्सको ला लोरोना, इटालीको द लाइफ अहेड, अमेरिकाको मिनारी, फ्रान्सको टु अफ अस छन् ।

प्रतिक्रिया

Leave a Reply

Your email address will not be published.

सम्बन्धित खवर