नेपाल बन्द लक्षित गरी विराटनगरमा १० हजार सुरक्षाकर्मी परिचालन – Nepal Press

नेपाल बन्द लक्षित गरी विराटनगरमा १० हजार सुरक्षाकर्मी परिचालन

विराटनगर । नेपाल कम्युनष्ट पार्टी (नेकपा)को प्रचण्ड–नेपाल समूहले आह्वान गरेको आम हड्तालको असर प्रदेश १ मा विहानैदेखि देखिएको छ ।

आम हड्तालका कारण प्रदेश १ का मुख्य तथा सहायक राजमार्गमा लामा तथा छोटा दुरीका सार्बजनिक सवारी सधान चलेका छैनन् ।

विराटनगर लगायतका मुख्य शहरमा अटो,इ–रिक्सा संचालनमा छन् । उद्योग, पसल व्यवसाय पनि बन्द गरिएका छन् ।

प्रदेश प्रहरी कार्यालयका प्रहरी प्रवक्ता एव प्रहरी नायव उपरिक्षक विपिन रेग्मीले आम हड्तालमा प्रदेशमा कुनै अप्रिय घटना अहिलेसम्म नभएको जानकारी दिए ।आम हड्तालका क्रममा अवाञ्छित घटना हुन नदिन बाक्लो मात्रामा सुरक्षाकर्मी परिचालन भएका छन् ।

प्रहरी नायव उपरिक्षक रेग्मीले प्रदेशका मुख्य शहरका राजमार्गमा सुरक्षाका लागि १० हजार बढीको संख्यामा प्रहरी परिचालन गरिएको बताए । हड्ताल सफल बनाउन बिहानै देखि कार्यकर्ताहरु सडकमा उत्रिएका छन् ।

प्रतिक्रिया

Leave a Reply

Your email address will not be published.

सम्बन्धित खवर