साना व्यवसायीले प्रदर्शन गर्दागर्दै प्रधानमन्त्रीले बोलाएपछि… – Nepal Press

साना व्यवसायीले प्रदर्शन गर्दागर्दै प्रधानमन्त्रीले बोलाएपछि…

काठमाडौ । साना व्यवसायीले विभिन्न माग राखी बालुवाटार अगाडि प्रदर्शन गरिरहेको बेला प्रधामन्त्री केपी शर्मा ओलीले छलफलमा बोलाएका छन् । कोरोनाको कारण आर्थिक संकटमा परेका भन्दै व्यवसायीहरूले आज बालुवाटारमा प्रदर्शन गरेका थिए ।

प्रधानमन्त्रीले व्यवसायीलाई छलफलमा बोलाएपछि प्रदर्शन बीचमै रोकिएको नेपाल निर्माण व्यपार संघ काठमाडौंका अध्यक्ष अचुतम कटुवालले बताए ।

प्रधानमन्त्री सचिवालयमा भएको छलफलमा साना किसान समस्या प्रति प्रधानमन्त्रीले चाँढै नै भेट गर्ने कुरा भएको एनप्यापस्नका पूर्व अध्यक्ष कर्ण शाहीले जानकारी दिए । उनका अनुसार  प्रदर्शनकारीले प्रधानमन्त्रीको सचिवालयमा ज्ञापन पत्र पनि बुझाएको छ ।

राज्यबाट तत्काल आपन्कालिन आर्थिक प्याकेज माग गर्दै विभिन्‍न ४३ क्षेत्रका व्यवसायीले प्रदर्शन गरेका थिए । प्रदर्शनमा यातायात, पर्यटन, निर्माण व्यवसायी र निजी विद्यालय लगायतका व्यवसायीको सहभागिता थियो ।

कोरोनाले थला परेको व्यवसायलाई सरकारले दिने भनेको राहत नपाएकाले व्यवसाय नै बन्द गर्नु पर्ने अवस्था आएको पीडित व्यवसायीको भनाइ छ ।


प्रतिक्रिया

Leave a Reply

Your email address will not be published. Required fields are marked *