स्वर्गीय यादवको स्मृति दिवसमा प्रधानमन्त्री सिरहा आउँदै, सुरक्षा व्यवस्था कडा

जनकपुरधाम । प्रधानमन्त्री केपी शर्मा ओली पूर्व सांसद स्वर्गीय हेमनारायण यादवको १७ औं स्मृति दिवस मनाउन आउन लागेका कारण सिरहा सदरमुकाममा सुरक्षा व्यवस्था कडा पारिएको छ ।

सिरहा सदरमुकामस्थित जिल्ला प्रहरी कार्यालयदेखि हेमनारायण चोकसम्म  सडक खाली गरेको छ । पैदल यात्रुलाई समेत आवतजावत गर्न दिइएको छैन ।

प्रधानमन्त्री ओली आएलगत्तै स्वर्गीय यादवको सालिकमा माल्यार्पण गर्ने कार्यक्रम छ । सालिक अगाडि प्रधानमन्त्री ओलीको स्वागतका लागि रातो कार्पेटओछ्याइएको छ ।

नेकपा प्रचण्ड नेपाल समूहका नेता कार्यकर्ताले कालो झण्डा देखाउने योजना बनाउन सक्ने भन्दै सुरक्षाकर्मीले पसल समेत बन्द गराएका छन् ।

स्वर्गीय यादवको सालिकमा माल्यार्पणपछि प्रधानमन्त्री ओलीले सिरहा क्याम्पसमा आयोजित सभामा सम्बोधन गर्ने कार्यक्रम छ ।