अहिले निर्वाचनको चर्चा गर्ने बेला होइन : भीम रावल – Nepal Press

अहिले निर्वाचनको चर्चा गर्ने बेला होइन : भीम रावल

कैलाली । विभाजित नेकपाको प्रचण्ड-माधव पक्षका नेता भीम रावलले निर्वाचन गर्ने र नगर्ने भन्‍ने प्रसङ्ग आउने बेला नभएको बताएका छन् ।

नेकपा सुदूरपश्चिम प्रदेश कमिटीले आयोजना गरेको पत्रकार भेटघाट कार्यक्रममा नेता रावलले भने, ‘प्रधानमन्त्रीले जनमतको अवहेलना गरेका छन् । लोकतन्त्र संकटमा परेको छ । यो संकटको विरुद्धमा लड्ने/नलड्ने भन्ने हो ।’

‘चुनाव भनेको त एउटा माध्यम मात्रै हो । मुख्य कुरा हाम्रो प्रणाली हाम्रो व्यवस्था हाम्रो संविधान रक्षाको विषय महत्त्वपूर्ण हो’, उनको भनाइ थियो ।

अहिले नेकपा विभाजन नभएको दाबी गर्दै रावलले प्रतिनिधिसभा पुन:स्थापना हुनसक्ने जिकिर गरे । ‘हामी फुटको पक्षमा छैनौँ । केपी शर्मा ओली ज्यूले पार्टी विभाजन गर्न खोज्नु भयो’ रावलले भने, ‘उहाँले आत्मालोचना गरेर अब म ती सबै सच्चाउँछु भनेपछि हामी उहाँलाई फेरि पार्टीको सामान्य प्रक्रियामा आउँदा आपत्ति नगर्न सक्छौँ ।’

प्रतिक्रिया

Leave a Reply

Your email address will not be published.

सम्बन्धित खवर