आर्सनलसँग बराबरीमा रोकियो युनाइटेड, सिटीसँगको दूरी छोट्याउन असफल – Nepal Press

आर्सनलसँग बराबरीमा रोकियो युनाइटेड, सिटीसँगको दूरी छोट्याउन असफल

एजेन्सी । म्यानचेस्टर युनाइटेडले पछिल्ला चार प्रिमियर लिग खेलमध्ये तेस्रोमा अंक गुमाउने क्रममा आर्सनलसँग इमिरेट्स मैदानमा गोलरहित बराबरी खेलेको छ ।

युनाइटेडका लागि स्ट्राइकर इडिन्सन काभानीले खेलको अन्त्यतिर गोलका दुई राम्रा अवसर सृजना गरेका थिए । तर उत्तरी लण्डनको चीसो मौसममा आर्सनलको खेल निकै नै सन्तुलित थियो ।

दोस्रो हाफको सुरुमै जव अलेक्जान्द्रे लाकाजेट्टेको फ्रिकिक बारमा लागेर बाहिरियो, आर्सनलले गोलको नजिक पुगेर असफल रह्यो । त्यस्तै इमिली स्मिटथ रोवे र निकोलास पेपेको प्रहार पनि युनाइटेडका गोलरक्षक डेभिड डी जियाले उत्कृष्ट बचाउ गरे ।

पहिलो हाफमा आर्सनलका गोलरक्षक ब्रेन्ड लेनो व्यस्त थिए । तर उनले आफूलाई प्रमाणित गर्नका लागि एकभन्दा धेरै बचाउ गरे ।

जारी सिजन अवे मैदानमा अपराजित यात्रालाई कायम राख्न सफल भए पनि यो बराबरीले म्यानचेस्टर युनाइटेडको उपाधि यात्रामा धक्का लागेको छ ।

युनाइटेडको २१ खेलबाट ४१ अंक भएको छ । हिजो साँझको खेलमा म्यानचेस्टर सिटीले शेफिल्ड युनाइटेडमाथि १–० को जित हासिल गरेको थियो । एक खेल कम खेलेको सिटीले शीर्ष स्थानमा स्पष्ट तीन अंकको अग्रता लिएको छ ।

प्रिमियर लिग अंकतालिकाको पुछारमा रहेको टोली शेफिल्डमाथि इथिहाड रंगशालामा सिटीका लागि गाव्रियल जेससले निर्णायक गोल गरेका थिए । योसँगै जारी लिगमा सिटीको जितयात्रा १२ खेलसम्म पुगेको छ ।


प्रतिक्रिया

Leave a Reply

Your email address will not be published. Required fields are marked *