रंगशालालाई पैसा जुटाउन सेलेव्रिटीले क्रिकेट खेल्ने, टीम धुर्मुस भर्सेस टीम सुन्तली ! – Nepal Press

रंगशालालाई पैसा जुटाउन सेलेव्रिटीले क्रिकेट खेल्ने, टीम धुर्मुस भर्सेस टीम सुन्तली !

काठमाडौं । भरतपुरमा निर्माण भैरहेको गौतम बुद्ध अन्तर्राष्ट्रिय क्रिकेट रंगशालाको अर्थ संकलनका लागि ‘स्टार क्रिकेट २०२१’ टुर्नामेन्ट आयोजना हुने भएको छ ।

शनिबार राजधानीमा आयोजित प्रेसमिटमा टीम धुर्मुस र टीम सुन्तलीबीच प्रतिस्पर्धा हुने जानकारी दिइयो । नेपाली फिल्म, संगीत र खेलकुदका ४० भन्दा बढी सेलेव्रिटी दुई समूहमा बाँडिएर क्रिकेट खेल्नेछन् ।

दयाहाङ राई, प्रमोद खरेल, सन्दीप क्षेत्री, दीपक विष्ट, श्रृंखला खतिवडा, बेनिशा हमाल, संगीना वैद्य, प्रशान्त ताम्राकार, पारस खड्का, रवि ओड, ज्ञानेन्द्र मल्ल, विनोद भण्डारीलगायतले क्रिकेट खेल्ने भएका छन् ।

माघ २४ गते निर्माणाधीन रंगशालामा प्रतियोगिता हुने भएको छ । प्रेसमिटमा बोल्दै आयोजक संस्था गृष्म ब्रोडकास्टिङ मिडियाका अध्यक्ष गृहेन्द्र घिमिरेले टुर्नामेन्टबाट संकलन हुने रकम रंगशालाको निर्माणमा प्रदान गरिने बताए ।

यो पनि पढ्नूस : धुर्मुस–सुन्तलीले व्यक्त गर्न नसकेको धोका (भिडियोसहित)

कर्पोरेट सोसल रेस्पोन्सिबिलिटी अन्तर्गत टुर्नामेन्ट आयोजना गरिएको उनले जनाए । तेक्वान्दो खेलाडी दीपक विष्ट र अभिनेता सन्दीप क्षेत्रीले सामाजिक काममा सक्रिय हुन पाउँदा आफूहरु उत्साहित भएको बताए ।


प्रतिक्रिया

Leave a Reply

Your email address will not be published. Required fields are marked *