डीभी लोटरीमा लगाइएको रोक हट्ने, अप्रिलदेखि डीभी सुचारु गर्ने बाइडेनको तयारी – Nepal Press

डीभी लोटरीमा लगाइएको रोक हट्ने, अप्रिलदेखि डीभी सुचारु गर्ने बाइडेनको तयारी

काठमाडौं । अमेरिकी डीभी लोटरी लगायतका विभिन्न आप्रवासी र कामदार भिसामा लगाइएको रोक हट्ने भएको छ ।

ह्वाइट हाउसका अधिकारी इस्थर ओलाभारियाले राष्ट्रपति जो बाइडेनले कार्यकारी आदेशमार्फत पूर्वराष्ट्रपति ट्रम्पको उक्त निर्णयलाई उल्ट्याउने बताएका हुन् । यसअघि ट्रम्पले उक्त आप्रवासन रोकलाई मार्च ३१ सम्म लम्बाएका थिए ।

ह्वाइट हाउसमा आयोजित मेयरहरुसँगको भर्चुअल बैठकमा ओलाभारियाले उक्त कुरा बताएका हुन् । तर, उक्त कार्यकारी आदेश कहिले जारी हुन्छ भन्ने बारे खुलाइएको छैन ।

इस्थर ओलाभिया राष्ट्रपति बाइडेनका उच्च अध्यागमन सल्लाहकार हुन् । बाइडेनले कार्यभार सम्हाल्नुभन्दा झन्डै तीन साताअघि ट्रम्पले आप्रवासी र कामदार भिसामा रोक लगाउने आदेश मार्च अन्त्यसम्मका लागि थप गरेका थिए ।

सन् २०२० का डीभी लोटरी बिजेतामध्ये सेप्टेम्बरमा भिसा पाएका पनि अमेरिका जान पाएका छैनन् । आर्थिक वर्ष २०२१ का डीभी बिजेताले पनि अहिलेसम्म भिसा पाउन सकेका छैनन् । २०२० का डीभी विजेताहरु मार्चभित्र अमेरिका गैसक्नुपर्नेछ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर