योगेशको टिप्पणी- केपी ओली अस्ताउँदो सूर्य हुन्, सेटिङ फेटिङ चल्दैन

विराटनगर । विभाजित नेकपाका नेता तथा पूर्वमन्त्री योगेश भट्टराईले संवैधानिक निकायमा सेटिङ नचल्ने भन्दै नेकपाको आधिकारिकता प्रचण्ड-माधव नेपाल नेतृत्वको समूहले पाउने दाबी गरेका छन् ।

विराटनगरमा आयोजित नेकपाको आमसभालाई सम्बोधन गर्दै भट्टराईले संविधान कानूनले प्रतिनिधिसभा विघटन नमान्ने र निर्वाचन आयोगमा पनि सेटिङ फेटिङ नचल्ने बताए ।

उनले भने, ‘म संवैधानिक निकायहरुलाई पनि भन्न चाहान्छु, प्रधानमन्त्री केपी ओली आज अस्ताउँदो सूर्यका रुपमा छन् । यो नेकपा उदाउँदो सूर्य हो । तपाईंहरू कसको पक्षमा लाग्नुहुन्छ ? अस्ताउँको पक्षमा लाग्नुहुन्छ भने तपाईं मलामी जानुस् ।’