रमणले मागे ५ घण्टा, १ घण्टाभन्दा दिन सकिन्न- प्रधानन्यायाधीश – Nepal Press
संवैधानिक इजलास

रमणले मागे ५ घण्टा, १ घण्टाभन्दा दिन सकिन्न- प्रधानन्यायाधीश

काठमाडौं । प्रतिनिधिसभा विघटनविरुद्धको मुद्दामा सुनुवाइ चलिरहँदा बहसको समय कति पाउने भन्ने विवाद चलेको छ ।

एकैजनाले दुई दिनसम्म बहस गर्दै जाँदा लामो समय लाग्ने भएपछि संवैधानिक इजलासले समय तोकेको छ ।

तर, शुक्रवार रामनारायण विडारीपछि बहस गर्न उभिएका वरिष्ठ अधिवक्ता रमण श्रेष्ठले ५ घण्टा समय मागेपछि केहीबेर सवाल जवाफ चलेर इजलास अवरुद्ध भएको छ । नेकपाका तत्कालीन प्रमुख सचेतक देव गुरुङसहितका रिट निवेदकको तर्फबाट बहस गर्न उभिएका रमणले ५ घण्टा समय मागेका हुन् ।

अब गुरुङ सहितको निवेदकको तर्फबाट रमणले अन्तिम बहस गर्ने भन्दै ५ घण्टा मागिए पनि प्रधानन्यायाधीशले भने एक घण्टाभन्दा बढी समय दिन नसकिने बताएपछि केहीबेर समयकै लागि विवाद चलेको हो ।

समयको नाममा विवाद बढेपछि राणाले भने, ‘तपाईंलाई ५ घण्टा दिने हो भने अरु साथीहरुलाई कति दिने ? तपाईं आफ्नो भनाइ बहस नोटमा दिन सक्नुहुन्छ । तपाईं विद्वान हुनुहुन्छ तीन महिना, तीन वर्ष पनि लाउनुहोला तर हामीले त निश्चित समयमा किनारा लगाउनुपर्छ ।’

करिब १५ मिनेटको विवादपछि रमणले १ घण्टा समय पाएका छन् ।

प्रतिक्रिया

Leave a Reply

Your email address will not be published.

सम्बन्धित खवर