प्रचण्ड-माधव पक्षले निर्वाचन आयोगलाई पत्र बुझाएर फर्कियो (पत्रसहित) – Nepal Press

प्रचण्ड-माधव पक्षले निर्वाचन आयोगलाई पत्र बुझाएर फर्कियो (पत्रसहित)

काठमाडौं । नेकपाको प्रचण्ड-माधव पक्ष केपी अ‍ोली पक्षसँगका छलफलमा सहभागी नभई पत्र बुझाएर निर्वाचन आयोगबाट फर्किएको छ ।

आफ्नो समूहका दुवै अध्यक्ष काठमाडौंबाहिर रहेको र माघ १८ अघि आयोगमा उपस्थित हुन नसक्ने पत्र बुझाएर फर्किएका नेता राजेन्द्र पाण्डेले बताए ।

केन्द्रीय कार्यालय सचिव श्रीराम ढकालले हस्ताक्षर गरी पठाइएको पत्रमा ‘माधवकुमार नेपाल र पुष्पकमल दाहाल दुवै अध्यक्ष माईघ १८ गतेसम्म उपत्यकाबाहिरका राजनैतिक कार्यक्रममा व्यस्त रहनु भई प्रतिनिधि मनोनयन गर्ने अवस्था नभएको र उक्त छलफलमा अध्यक्ष स्वयम् उपस्थित भई छलफल गर्न चाहनु भएको हुँदा आज तोकिएको समयमा उपस्थित हुन सम्भव हुन नसकेको’ जानकारी गराइएको छ ।

माघ १८ पश्‍चात उपयुक्त मिति र समयमा छलफलको आयोजना गर्न पत्रमा निर्वाचन आयोगसमक्ष अनुरोध गरिएको छ ।

प्रतिक्रिया

Leave a Reply

Your email address will not be published.

सम्बन्धित खवर