प्रचण्डको प्रतिनिधित्व गरेर तीन नेता निर्वाचन आयोगमा जाँदै

काठमाडौं । निर्वाचनसम्बन्धी छलफल गर्न बोलाइएको बैठकमा नेकपाको प्रचण्ड-माधव नेपाल पक्ष पनि सहभागी हुने भएको छ ।

तर, दलको आधिकारिकता विवाद नै कायम रहेको दाबी गर्ने सो पक्ष चुनावी प्रयोजनको छलफलमा भने सहभागी नहुने बुझिएको छ ।

आयोगले नेकपाको पहिलो अध्यक्ष केपी शर्मा ओली र दोस्रो अध्यक्ष पुष्पकमल दाहाललाई नै मानेर छलफलका लागि बोलाएको छ । प्रचण्डको पक्षबाट लीलामणि पोखरेेल,राजेन्द्र पाण्डे र मुक्ति प्रधान आयोगमा जाँदैछन् ।

आफूहरु आयोगमा जाने तर त्यसपछिको छलफल हेरेर थप कदम चालिने पाण्डेले बताए । आयोगले अध्यक्षलाई नै बोलाएको र आफ्नो पक्षका दुवै अध्यक्ष काठमाडौंबाहिर रहेकाले त्यही सूचना दिइने पोखरेलले बताए । केपी ओली पक्षबाट भने महासचिव विष्णु पौडेल र सुवास नेम्वाङसहित सातजना सहभागी हुँदैछन् ।