प्रचण्ड-माधव समूहको आज विराटनगरमा शक्ति प्रदर्शन, ६० हजार कार्यकर्ता उतार्ने दावी – Nepal Press

प्रचण्ड-माधव समूहको आज विराटनगरमा शक्ति प्रदर्शन, ६० हजार कार्यकर्ता उतार्ने दावी

विराटनगर । प्रतिनिधिसभा विघटनको विरोधमा आन्दोलनरत विघटित नेकपाको प्रचण्ड-माधव समूहले प्रदेश १ को राजधानी विराटनगरमा आज शक्ति प्रदर्शन गर्दैछ ।

मध्यान्ह १२ बजेबाट प्रदर्शन सुरु हुनेछ । विराटनगरको बरगाछी, तीनपैनी, रोडशेष चोक र हाटखोलाबाट एकैसाथ सुरु हुने प्रदर्शन जनआन्दोलन चोकमा पुगेर विरोध सभामा परिणत हुने नेकपा दाहाल–नेपाल समूहका केन्द्रीय सदस्य महेश रेग्मीले जानकारी दिए ।

उनका अनुसार सभामा अध्यक्षहरु पुष्पकमल दाहाल प्रचण्ड र माधवकुमार नेपालसहित वरिष्ठ नेता झलनाथ खनाल, नेता योगेश भट्टराई लगायतले सम्बोधन गर्नेछन् । कार्यक्रमका लागि अध्यक्ष नेपाल र वरिष्ठ नेता खनाल विराटनगर आइसकेका छन् । अन्य नेताहरु आउने क्रममा रहेको नेता रेग्मीले बताए ।

संसद विघटनपछि प्रदेश १ को राजधानीमा सबैभन्दा ठूलो विरोध प्रदर्शन गर्न लागिएको छ। प्रदर्शनमा ६० हजार हाराहारीमा कार्यकर्ता उतार्ने योजना छ ।
विरोध प्रदर्शनकै लागि गाउँगाउँबाट नेकपा कार्यकर्ता विराटनगर आएका छन् ।

प्रधानमन्त्री केपी शर्मा ओलीले पुस ५ गते संसद विघटन गरेपछि त्यसको विरोधमा नेकपाकै प्रचण्ड-माधव समूह आन्दोलित छ ।


प्रतिक्रिया

Leave a Reply

Your email address will not be published. Required fields are marked *

सम्बन्धित खवर