मतभेद बिर्सेर शहीदका सपना पूरा गर्ने संकल्प गरौंः देउवा

काठमाडौं । पूर्व प्रधानमन्त्री तथा नेपाली कांग्रेसका सभापति शेरबहादुर देउवले शहीद दिवसको अवसरमा शुभकामना सन्देशमार्फत शहीदको सपना पूरा गर्न सानातिना मतभेद बिर्सेर अगाडि बढ्नुपर्ने बताएका छन् ।

आज विज्ञप्ति जारी गर्दै देउवाले मुलुकले सुम्पिएको राष्ट्रिय जिम्मेबारी पूरा गर्न र नेपाललाई एक सुन्दर, शान्त, समुन्नत राष्ट्रमा परिणत गर्न जिम्मेबार सबै पक्षलाई शहीद दिवसले प्रेरणा प्रदान गर्ने विश्वास व्यक्त गरेका छन् ।

‘लोकतान्त्रिक पद्धतिमा मात्र व्यक्तिको स्वतन्त्रता र अभिमानको रक्षा हुन्छ, यसबाट नै बिसंगतीको अन्त्य हुन्छ,’ वक्तव्यमा भनिएको छ, ‘सुदृढ र सबल लोकतन्त्रबाट मात्रै नेपाल एक समुन्नत राष्ट्रमा परिणत हुनेछ भन्ने परिकल्पना र विश्वासमा ती देशभक्त वीर सपुतहरुले आफूलाई सहर्ष उत्सर्ग गरेका थिए ।’