ट्यांकर दुर्घटनामा चालकको मृत्यु
नेपाल प्रेस
२०७७ माघ १५ गते १७:०१
दाङ । रोल्पा नगरपालिका १ भदौरेमा इन्धन बोकेको ट्यांकर विहीबार भीरबाट खस्दा चालकको मृत्यु भएको छ ।
नेपालगन्जबाट रोल्पाको जलजला पेट्रोल पम्पमा इन्धन लिएर जाँदै गरेको ना. ४ ख २२५७ नम्बरको ट्यांकर दुर्घटनामा परी नेपालगन्ज निवासी चालक हरबजन सिंहको मृत्यु भएको हो । रोल्पा प्रहरीका प्रवक्ता प्रहरी निरीक्षक सन्तोष केसीका अनुसार दुर्घटनास्थलबाट उपचारका लागि लिवाङ लैजाँदै गर्दा बाटोमै उनको मृत्यु भएको हो ।
दुर्घटनामा सहचालक सामान्य घाइते भएका छन् । दुर्घटनाको कारण नखुलेको प्रहरीले बताएको छ ।
नेपाल प्रेस
प्रकाशित: २०७७ माघ १५ गते १७:०१
प्रतिक्रिया
सम्बन्धित खवर
