माधव नेपालको टिप्पणी- केपी ओलीलाई तपाईं भन्न पनि मन लाग्दैन – Nepal Press

माधव नेपालको टिप्पणी- केपी ओलीलाई तपाईं भन्न पनि मन लाग्दैन

बुटवल । विभाजित नेकपाका अध्यक्ष माधवकुमार नेपालले प्रधानमन्त्री केपी ओलीलाई तपाई भनेर सम्मान गर्न पनि मन लाग्न छाडेको बताएका छन् ।

विहीवार प्रचण्ड-माधव पक्षले बुटवलमा आयोजना गरेको आमसभालाई सम्बोधन गर्दै नेपालले भने, ‘हुन त केपी ओलीलाई के तपाईं भन्नुजस्तो लाग्छ । राम्रो काम गरे पो सम्मान गर्नु ? केपी ओली सम्मानका लागि योग्य छैनन् ।’

अरुलाई अपमानित गर्ने,होच्याउने र व्यंग गर्ने बाहेक ओलीले केही नजानेको नेपालले टिप्पणी गरे । नेपालले आफूलाई पुष्पकमल दाहाल प्रचण्डले प्रस्ताव गरेर केन्द्रीय कमिटीको दुई तिहाई बहुमतले अध्यक्ष बनाएकाले आफूनै आधिकारिक अध्यक्ष बताए ।

उनले भने, ‘केपी ओलीले मसँग हारेको माधव नेपाललाई अध्यक्ष चाहियो भनेछन् । नवौं महाधिवेशनमा म १५/२० भोटले हारे पनि जालझेल गरेर ओलीले जितेका हुन् । खासमा उनले जितेकै होइनन्,जाली तरिका अपनाएका हुन् । तैपनि मैले मान्देको हो ।’

भाषणको सबै समय अ‍ोलीलाई गाली गर्न खर्चेका नेपालले गणतन्त्रको विरोध गरेपनि २०६३ सालको जनक्रान्तिपछि आफूले उपप्रधानमन्त्री बनाइदिएको बताए ।

प्रतिक्रिया

Leave a Reply

Your email address will not be published.

सम्बन्धित खवर