निर्वाचनसम्बन्धी छलफल गर्न नेकपाका दुवै पक्षलाई आयोगले बोलायो – Nepal Press

निर्वाचनसम्बन्धी छलफल गर्न नेकपाका दुवै पक्षलाई आयोगले बोलायो

काठमाडौं । निर्वाचन आयोगले विभाजित नेपाल कम्युनिष्ट पार्टीका दुवै पक्षलाई निर्वाचनका विषयमा छलफल गर्न बोलाएको छ।

आयोगले पत्र पठाएर दुवै पक्षका अध्यक्ष वा अध्यक्षले तोकेका पाँच/पाँच जना प्रतिनिधिलाई बोलाएको हो।

‘भोलि साढे ११ बजे अध्यक्ष वा अध्यक्षले तोकेको आधिकारिक प्रतिनिधि पाँच/पाँच जना बोलाइएको छ,’ आयोगका प्रवक्ता राजकुमार श्रेष्ठले नेपालप्रेससँग भने, ‘निर्वाचन प्रयोजनका लागि दल दर्ता गर्न सूचना प्रकाशन गर्ने र तयारीका विषयमा छलफल गर्न बोलाइएको हो।’

नेकपाका दुवै पक्षले आफूलाई आधिकारिकता दाबी गर्दै आयोगमा पेस गरेको विवरण अस्वीकार गर्दै निर्वाचन आयोगले ११ माघमा पार्टी विभाजनलाई मान्यता नदिने निर्णय गरेको थियो। आयोगको निर्णयलाई दुवै पक्षले आ-आफ्नो जितका रूपमा व्याख्या गर्दै आएका छन् ।

प्रतिक्रिया

Leave a Reply

Your email address will not be published.